COVIDari buruzko GALDERAK

Sintomen aurrean

Zer egin ?

Lehenbailehen osakidetzara deitu medikuek diagnostikoa egin dezaten.

Balorazioa egin ondoren, beraiek erabakiko dute PCR-a egin edo ez.

Seme-alabari PCR-a egin behar badiote, EZ BIDALI ikastolara eta ikastolan abisatu idazkaritzara deituz.

Gelan positiboa

Jarraibideak ?

Gelan positibo bat emanez gero, ikastola harremanetan jarriko da Osakidetzako arakatzailearekin, erabaki dezan ukituaren zuzeneko kontaktuek PCR probak egin behar dituzten edo ez. Osakidetzak hala eskatuta, ikastolak bere esku jarriko ditu kontaktu zuzentzat jotzen diren familia eta langile guztien harremanetarako datuak, telefonoz jakinaraz dakien zer protokolo jarraitu behar duen familiak.

Gurasoak

Jarraibideak ?

Ikaslearengan NEGATIBOA baieztatzen bada, gurasoetako batekin konfinatua geratuko da (adingabearen adinaren arabera), familiako gainerakoekiko isolatuta, agintari eskudunek agindutako 10 egun horietan bestelako harreman fisikorik izan gabe.

Une oro guraso bera izan beharko du, zaintzaile desberdinak txandakatzeko aukerarik gabe.

Ikaslearengan POSITIBOA baieztatzen bada, familia osoarekin konfinatua geratuko da agintari eskudunek agindutako 10 egun horietan bestelako harreman fisikorik izan gabe.

Anai-arrebak

Zer egin ?

Negatiboa eman duten anai-arrebek bizimodu normala izaten jarraitu ahal izango dute, baldin eta arduradun medikoek kontrakoa esaten ez badute. Hau da, ikastolara joan ahal izango dira, baldin eta neba-arreben artean erabat isolatuak badaude, eta senidearen PCRaren emaitzak ez badu positibo ematen. Positiboa balitz, bai berak bai familia-unitate osoak diagnostikorako protokolo eta prozesu osoa pasa beharko dute.

Isolamendua

Zer egin ?

Ikaslearen isolamenduak erabatekoa izan behar du, osasuna babestuz eta familian edo ingurunean transmisioa seihestuz.

Isolamenduan, irakasleek ikaslearekin harremanetan jarraituko dute, egunerokotasunarekin jarraitzeko aukera emanez. Adinaren eta autonomiaren arabera, lantzen ari garen metodologia errealitate berrira egokitzea bilatuko dugu. Guztiz eraginkorra izan dadin, denbora pixka bat beharko dugu.

Bueltarako Prozedura

Jarraibideak ?

Lehenengo PCRa egin ondoren, konfinatutako ikasle guztiek bigarren PCR bat igaro beharko dute Osakidetzako arduradunek ezarritako egun-kopuruaren ondoren, ikaslea negatiboa dela ziurtatu eta ikastolara itzul daitekeela egiaztatuz. Ikasle hori ezin izango da ikastolara itzuli aurreko prozesu osoa egiten ez bada edo arduradun medikoen berariazko baimena ez badu.