Euskaraz Bizi Ikastolen Elkarteak sortutako eta Ikastolek bere egindako proiektua da. Bere helburua eskola-jardueretan ezezik,  bizitzaren egoera guztietan eta ikastola bakoitzaren testuingurua kontutan hartuz, euskararen erabilpena sustatzea da. Gurasoentzat euskara ikastaroak, mintzapraktika areagotzeko ekimenak, baita hainbat jaialdi eta ospakizun antolatzen ditugu ikasturtean zehar.

Euskaraz Bizi Proiektuak egoera guztietan euskararen erabilpena indartu eta ikasleak hizkuntzaren erregistro guztiak menpera ditzala ziurtatzea du helburu.

Konfiantzaren Pedagogiaren oinarri-oinarrian pertsonaren gaineko ikuspegi jakin bat dago, eta ikuspegi horretatik eraiki dugu gure pedagogia. Pertsonari pertsona oso izaten eta zoriontsu izaten laguntzea helburu duen pedagogia. Pertsona ikusteko modua, pertsonarekiko jarrera eta jokaera jakin bat daude, beraz, pedagogia horren oinarrian.

ELKARBIZITZA

Bizikidetzaren helburu nagusia ikastolako ikasle, irakasle, langile eta familiaren arteko eguneroko harremanak hobetzea da.

Gure ikastolan talde bat dago helburu hauek bultzatzeaz arduratzen dena. Talde honetan ikasle, irakasle eta gurasoak parte hartzen dute, eta esan behar da, hau dela talde bakarra 6. mailatik aurrerako ikasleek parte hartzen dutena.

Gure ikasleak bizikidetza osasuntsu baten hezteko jarduerak bideratzen ditugu:

HAUR HEZKUNTZARAKO EMOZIO-PROGRAMA

Ahozkotasunean oinarritzen da KUKU! emozio-programa. Norbere emozioak ezagutzea, adieraztea eta kudeatzen ikastea du helburu. Izan ere, gure emozioak ezagutuz, besteenak ere hobeto ulertuko ditugu.