Datorren maiatzaren 25ean Ibilaldia dugu Galdakaon! Egun horretan Bizkaiko Ikastolen jaia behar bezala antolatzeko, urtero bezala gainontzeko Bizkaiko Ikastolen lankidetza beharko dugu.
 
Bolondres lantalde handia beharko dugu, Ibilaldia 2025 musikaz, dantzaz, barrez eta tradizioz betetako leku bihurtzeko. 900 boluntario beharko ditugu egun horretako lan ezberdinetarako: sarrerak zaindu, edarien txosnetan aritu, ogitartekoen txosnetan aritu, diru-trukeetan egon, segurtasunaz arduratu, mantenu lanak egin, muntaia eta desmuntaia egin, trafikoa gidatu, aparkalekuak koordinatu, garbiketa, osasun zerbitzua eman, zozketa egin, txahal/oilasko eta piper pintxoak saldu, elektrizistak, iturginak eta arropa saldu….Guzti hau gure Eguzkibegi Ikastolan antolatzen ari gara.
 
Bizkaiko ikastolei dagokienez, oraingoz zuen ikastola bakoitzean 12-15 laguneko taldea batzea eskatu nahi dizuegu gune ezberdinetako txosnetan (edariak edo ogitartekoak) lan egiteko. 
 
Hiru guneko ibilbidea prestatu dugu maiatzaren 25erako eta aurten, Ibilaldi aurreko egunean, maiatzak 24an, gune bat zabalduko dugu arratsaldeko 17:00etatik 22:00etara. Gune bakoitzean, edari eta ogitarteko txosna bana jarri ditugu.
 
Taldea maiatzaren 9rako osatuta egotea nahiko genuke.
 

Etiketak: Albisteak