EGITARAUA
Publiko guztientzako moduko egitaraua antolatu dugu. Hasieratik nahi izan da - eta hein handi batean lortu da- guneak ez izatea oso sektorialak, hots, bakarrik umeena, gazteena edo nagusiena. Hau da, gune guztietan denentzako moduko edukiak tartekatzen ahalegindu gara. Bestalde, ekimenak antolatzean iIkastolako ikasle nagusien proposamenak jaso nahi izan ditugu, eta haiei protagonismoa eman erabakietan, ahal izan den neurrian.
Programantzean exijenteak izan gara geure buruarekin eskaintza zabala egotea nahi genuelako, eta emaitza hor dago. 26 ekimen antolatu dira, horietatik 18, guneetan; eta 8, ibiltariak.
Bestalde, ikuskizunaz eta jaiaz gain, aldarrikapenerako tartea ere egongo da lurraldetasunaren ikuspegiarekin, mobilizazioa egingo baita “Azterketak euskaraz” lemapean euskarak Iparraldean daukan egoerari ikusgarritasuna eman nahirik.
Horrez gain, gaztetxoen inplikazioa lortzeko, aurten ere Erronka izango dugu, 14tik 16 urtera bitartekoen parte-hartze aktiboa bilatzeko helburuz. Hainbat herritako ikasleak batuko dira elkarrekin egun pare gabea igarotzeko. 11:00etan irtengo dute Zeledoniotik, eta 19 jolas-jarduera egingo dituzte herrian zehar, taldean.
Hona hemen ibilaldiko ibilbidea eta egitaraua.