AEKk 24. KORRIKAren unitate didaktikoak plazaratu ditu, Euskal Herriko Ikastolekin elkarlanean

Unitate didaktiko horiek KORRIKAren webgunean daude eskuragarri.

Ikasmaterialak, Euskal Herriko Ikastolekin elkarlanean sortuak, adinaren arabera sailkatuta daude, Haur Hezkuntzatik Batxilergora.

Unitateok hainbat berrikuntza dakartzate, betiko helburuak izan arren: euskararen aldeko jarrera zabaltzea, gure hizkuntzarekiko kontzientzia suspertu eta haren erabileran eragitea, euskal kultura transmititzea eta bertoko erreferente kulturalak ezagutaraztea; baita, nola ez, KORRIKA iragartzea ere.