Pertsona ereduan sakontzen: erabakitzaile-ekintzailea eta barne sendotasuna duena
Iragan berri dira Ikastolen 28. Jardunaldi Pedagogikoak. Azaroaren 21ean eta 22an egin dira. Bi egun izan dira Ikastolen Hezkuntza Markoan deskribatzen dugun pertsona ereduan sakontzeko. Zehazki, pertsona eredu horren bi bereizgarritan, eta haien ezaugarrietan: erabakitzaile-ekintzailea eta barne sendotasuna duena ezaugarrietan, hain zuzen ere.
Bi ezaugarri hauek mamitzeko, Ikastolen Elkarteko arduradunek hartu dute hitza, Zigor Ibarzabal Hezkuntza arduradunak erabakitzaile-ekintzaile ezaugarriaren txandan, eta Amaia Ayerra Haur eta Lehen Hezkuntzako arduradunak, barne sendotasuna duena ezaugarriarenean.
Kanpo begirada ere jarri nahi izan dugu jardunaldiotan, eta horrela, Carlos Magro eta Iñigo Martinez Peña izan ditugu lehenbiziko egunean, eta Arantzazu Loidi eta Maitane Ormazabal, bigarrengoan.
Guztiei planteatu diegu galdera hau: Zeintzuk dira hezkuntza sistemaren egungo erronkak? Bideo honetan erantzunak.