LH4ko gazteek kolorez eta jakin-minez bete dituzte ikastolako hormak!

Azken egunotan mugimendu handia eta giro paregabea izan dugu LH4ko geletan! Ingurunea arloan landutako gaiak oinarri hartuta, zuen seme-alabek buru-belarri jardun dute taldeka horma-irudi ikusgarriak sortzen. Argazkietan ikus dezakezuen bezala, lehenik ideiak antolatu, marrazkiak egin eta informazioa txukun-txukun bildu dute. Ondoren, egindako lanari merezi duen ikusgarritasuna emateko, ikastolako txoko eta korridoreetan zehar itsatsi dituzte euren artelanak, eta bukatzeko, benetako adituen pare, ikaskideen aurrean aurkezpenak egin dituzte!

Horrelako proiektuak ezinbestekoak dira gure gazteen garapenerako, liburuetatik harago ikasteko aukera paregabea eskaintzen baitiete. Alde batetik, talde-lana eta sormena sustatzen dituzte, denen artean adostu eta erabaki behar baitute zer eta nola kontatu; bestetik, autonomia eta komunikatzeko gaitasuna indartzen dituzte, ikasitakoa besteei azalduz jendaurrean hitz egiteko beldurra galtzen dutelako. Gainera, inguruarekiko jakin-mina eta ardura pizten zaizkie, ikastola bera euren ikaskuntzaren erakusleiho bihurtuz.

Gozatu hemen dituzuen argazki guztiekin eta ikusi zein lan ederra egin duten zuen seme-alabek! Gure eguneroko kontu eta abentura gehiagoren berri izateko, ez ahaztu zubizahar.eus webguneko gainerako txokoak kuxkuxeatzea eta Instagrameko @zubizaharikastola kontuan gu jarraitzea.

Etiketak: Gure Kontuk ...