ONDARRUTAR NATURALA lehiaketa Gabonetako egitarauan antolatuko da, ikasleen oporraldi betean.
2024ko urtarrilak 3 - 18:30ean, Beikozinin
Aurrekoetan bezala, eskatu nahi dizuegu laguntza: zabal dezazuen informazioa eta izena emateko aukera eman dezazuen ikastetxean bertan.
Bestela ere, Turismo bulegoan ahal izango da izena eman eta Udal euskara sailean ere bai.
Jardunaldi hauetan Hezkuntza Marko Orokorraren helburuak landu genituen, ikastola proiektua osatzen dugunok batzen gaituen oinarrizko hezkuntza-ikuspegia aztertu genuen.
Jardunaldi hauetatik abiatuta, ikastolen elkarteak argitaratutako marko berriaren liburuan zehar nabigatu genuen eta gure irakurketa kritikoa ardatz harturik, gure irakurketa kritiko propioa egitera bultzatu gintuen.
Hamarka mila pertsona elkartu dira Bilbon, «Oldarraldiaren aurrean, euskararekin bat, euskaraz bat» lelopean, azkenaldian euskararen biziberritzea helburu duten neurrien kontra auzitegietatik jasotako sententziak salatzeko manifestazioan. Euskararen aldeko gizarte eragileen bilgune nagusia den Euskalgintzaren Kontseiluak antolatutako manifestazioak atxikimendu zabala jaso du sektore sozial, sindikal eta politiko ugaritatik.
Amaiera paregabea eman diogu urte osoko lanari, Errenterian jende ugari bildu duen Kilometroak jaian. Eguraldia lagun, hitzordu parte-hartzaile, anitz eta alaia bizi izan dugu herriko kaleetan. Aurtengo jaiaren aurkezpenean zehaztutako helburuak, euskara eta euskal kultura, komunitatea eta eskertza, bete dira gaurko ospakizunean. Urte osoko lanari jarraituz, gaurkoa ere auzolanaren eta herrigintzaren indar erakustaldia izan da.
Urriaren 31n ospatzen da Gau Beltza, iluntzean, Euskal Herriko gero eta herri gehiagotan. Azken urteetan ohitura zaharrak berreskuratuz, jaia berrasmatzen ari dira herriz herri. Ospakizun horietako antolatzaile zein parte hartzaileekin bildu, ikuspegi ezberdinetako ekarpen berriak jaso, eta adostutako oinarri partekatu batekin osatu dugu Gau Beltza antolatzeko baliagarri izan nahi duen baliabide kutxa.
