Beldurrak piztu, Iluntasuna Bizi!
Xanduli manduli kikirriki…
Kalabazak hustu, kandelak piztu… Gau Beltza urriaren 31ren bueltan ospatzen da Euskal Herrian. Ohitura zaharrak berreskuratu eta indartzeko asmoz lanketa desberdinak egin ditugu.
Egunerokoarekin hautsi eta bestelako bizipenak izateko aukera eskaintzen digute jaiek. Elkarrekin ospatuta, gainera, kohesio soziala indartzeko tresna baliotsua dira, komunitatea sortzekoa. Jaiak euskaratik eta euskaraz antolatu eta bizitzearen garrantziaz jabetuta, berreskuratzeko bidea abiatu duen jai baten zabalpenean akuilu izan da Euskaltzaleen Topagunea. Bertako materiala oso baliagarria izan da Ikastolan egin dugun lanketan.
